Блог статистикасы
195
Жазбалар
3548
Өтініштер
150478
Келушілер
Облыстық Басқармалар
(жергілікті бюджеттен қаржыландырылатын)
Областные управления и департаменты
(финансируемые из республиканского бюджета)

Облыстың паспорты

Қостанай облысы туралы жалпы мәлімет

Қостанай облысы Қазақстанның солтүстік өңірінде орналасқан, іргетасы 1936 жылы қаланған.

Областың құрамына: 16 аудан және облысқа қарасты 4 қала кіреді

Облыстың әкімшілік орталығы болып табылатын Қостанай қаласы Тобыл өзенінің жағасында орналасқан, ал негізі 1879 жылы қаланған.

Қостанай өңірі Қазақстан Республикасының төрт облысымен (Ақтөбе, Қарағанды, Ақмола және Солтүстік Қазақстан) және Ресей Федерациясының үш облысымен (Орынбор, Челябі, Қорған) шектеседі. Ресей Федерациясымен өтетін шекараның жалпы ұзындығы – 1 417 шақырымды құрайды.

Өңірдің аумағы 196 мың шаршы шақырымды құрайды (Қазақстанның ауданынан 7,7%)

Табиғаты және ауа-райы шарттары

Климаты шұғыл континентті және тым қуаң болып келеді. Қысы ұзақ, аязды, желдері мен борандары қатты болса, жазы ыстық әрі құрғақ болады. Жауын-шашынның жылдық мөлшері: облыстың солтүстігінде 250–300 мм, оңтүстігінде 240–280 мм. Вегетациялық кезеңі: облыстың солтүстігінде 150–175 тәулік және оңтүстігінде 180 тәулік.

Облыстың аумағында шамамен 300-дей ұсақ өзен бар. Аса ірі өзендері – Тобыл (облыстың шегінде 800 шақырым) өз тармақтарымен бірге және Торғай (390 шақырым). Тобыл өзенiнде Жоғарғы Тобыл, Қаратомар және Аманкелді су қоймалары орналасқан. Облысымызда 5 мыңнан астам өзен бар, олардың ірілері: Құсмұрын, Теңіз, Қойбағар, Ақкөл, Сарыкөл, Алакөл және басқалары.

Облыста 354,4 мың га көлеміндегі айрықша күзетілетін табиғи аймақтар бар, олардың құрамына: Науырзым мемлекеттік табиғи қорығы, 3 мемлекеттік табиғи (зоологиялық) қорықшалар және 9 мемлекеттік табиғат ескерткіштері кіреді.

Облыстың жер қойнауы магнетит және оолит темір кендеріне, бокситтерге, қоңыр көмірге, асбестке, отқа төзімді және кірпіш сазына, флюс және цемент әктеріне, шыны жасалып шығарылатын құмға, құрылыс тасына және басқа да пайдалы қазбаларға бай. Магнетит кендері мен қоңыр темір кендерінің жалпы босалқы қоры 15,7 млрд. тоннаны құрайды. Пайдалы қазбалар мен минералды шикізаттың шамамен 400 кеніші, соның ішінде жерасты сулардың 68 кеніші барланды, бокситтердің 19 кеніші, алтынның 7 кеніші, күміс пен никельдің сәйкесінше 1 кеніші ашылды.

Халық саны

Қостанай облысының халық саны 883,9 мың адамды құрайды.

Облыстың аумағында жүзден астам ұлт және халық өкілдері өмір сүріп келеді. Ұлттық құрамы: қазақтар - 39,71%, орыстар - 41,6%, украиндар - 8.6%, немістер - 3,2%, басқа ұлттар - 6,9%.

Халықтың тығыздығы – бір шаршы метрге 4,5 адамнан келеді. Халық аса тығыз орналасқан қалалар - Қостанай, Рудный және Лисаков, аз орналасқандар - облыстың оңтүстік аудандары, олардың тығыздығы бір шаршы километрге 0,4-тен 0,8 адамға дейін құрайды.

Білім беру және денсаулық сақтау салалары

Облыста мектепке дейінгі білім беретін 91,2% баланы қамтитын 627 ұйым бар.

Облыстың 41 оқу орны (соның ішінде 32 - мемлекеттік және 9 - мемлекеттік емес) техникалық және кәсіптік білім береді Студенттердің жалпы шектелімі 23,8 мың адамды құрайды. Мамандар 149 мамандық бойынша күндізгі және сырттай оқу нысандарында даярланады.

Облыста 8 жоғары оқу орны жұмыс атқарып, оларда 20,1 мың студент білім алады.

Қостанай облысының денсаулық сақтау секторы 517 медициналық нысандармен ұсынылған. Облыста 1693 астам дәрігер жұмыс істейді.

Көлік инфрақұрылымы

Әуе тасымалы

Қостанай әуежайы - Қостанай қаласы төңірегінің оңтүстік-батыс жағынан 2 шақырым жерде және әкімшілік орталығынан 5,6 шақырым қашықтықта орналасқан. Әуежай халықаралық мәртебеге ие. Бір жылдағы рейс саны - 1700, бір жылдағы жолаушылар саны - 70 000, бір жылдағы өңделетін жүктердің, поштаның саны - 250 тоннадан астам.

Эйр Астана авиакомпаниясының рейстерімен Қостанайдан Астанаға күн сайын, СКАТ авиакомпаниясының рейстерімен Қостанайдан Алматыға аптасына төрт рет, Қостанайдан Ганноверге аптасына 1 рет ұшып келуге болады. Мәскеу бағытындағы әуе тасымалы да жүзеге асырылады, ал жаз мезгілінде Дюссельдорф, Минск және Анталья бағытындағы рейстер орындалатын болады.

Темір жол тасымалы.

Қостанай вокзалы 1974 жылы бой көтеріп, қаланың солтүстік-батыс жағында орналасқан. 1-дәрежелі вокзал болып табылады.

Қостанай теміржол бөлімшесінің темір жолдарының қолданыс ұзындығы 1452,3 шақырымды құрайды. Қостанай теміржол бөлімшесінің қолданыс қызметін қамтамасыз ететін 62 бөлек пункт бар (45 пункт - жүк операциялары үшін ашық), олар мыналардан құралған: жол тарамдарынсыз 45 бекет, 11 айрық, 1 озу пункті, 5 қосын.

Қостанай теміржол бөлімшесінде:

Қостанай, Железорудная, Майлин, Жітіқара, Арқалық, Арыстансор, Арқа атты 7 жүк бекеті бар;

Тобыл, Құсмұрын, Есіл, Сарыкөл атты 4 телім бекеті бар;

46 аралық бекет, солардың ішінде: 34 бекет, 11 айрық, 1 қума пункт бар.

2014 жылы теміржол жұмысының қор құрайтын негізгі көлемді көрсеткіші болып табылатын жүк айналымы 20 337,3 млн. ткм. құрады.

Автокөлік тасымалы

Автокөлік жолдары - Қостанай облысының көлік-коммуникация кешенінің маңызды элементтерінің бірі болып табылады. Қазіргі кезде, оның нәтижелі жұмысы мен үздіксіз даму үдерісі экономиканы көтеруге, халықтың тұрмыс-тіршілік жағдайы мен деңгейін арттыруға және жақсартуға ауысудың маңызды факторлары болып табылады. Облыстық және аудандық маңызы бар автомобиль жолдарының торабы, республика бойынша ең ұзақ болып саналады.

Жалпы пайдаланудағы жолдардың ұзақтығы 9 514 шақырымды құрайды, 

Облыс бойынша автомобиль көлігімен жүк тасымалдау көлемі (коммерциялық тасымалмен айналысатын жеке кәсіпкерлердің атқарған жұмыс көлемінің бағаламасын ескере отырып)  310,7 млн. тонна жүк көлемін  құрайды.

Қостанай облысының аумағымен республикалық, облыстық және жергілікті маңызы бар жолдар өтеді.Республикалық маңызы бар Қостанай – Петропавл – Қорған, Қостанай – Астана – Алматы, Қостанай – Көкшетау, Қостанай – Челябі – Екатеринбург автомобиль жолдары арқылы облыс орталығымен қатынас жүргізіледі.

хат жіберу